გრინ ქარდი იგივე მწვანე ბარათი არის ამერიკის შეერთებულ შტატებში მუდმივი ცხოვრების და მუშაობის ვიზა. ამერიკელები ყოველწლიურად 50.000 გრინ ქარდს ათამაშებენ და ამ გათამაშების მიზნად აშშ-ს მულტინაციონალობის და მრავალფეროვნების შენარჩუნება სახელდება. გათამაშებაში გამარჯვებულები გამოვლინდებიან შემთხვევითობით შერჩევის პრინციპით. მონაწილეობის მიღება შესაძლებელია უკლებლივ ყველა ქვეყნიდან, გარდა ჩამოთვლილი ქვეყნებისა: დიდი ბრიტანეთი და მასზე დამოკიდებული ტერიტორიები (ჩრდილოეთ ირლანდიის გამოკლებით), ნიგერია, ჩინეთი, იაპონია, სამხრეთ კორეა, ინდოეთი, პაკისტანი, ბანგლადეში, შრი-ლანკა, ვიეტნამი, ფილიპინები, ჰონგ-კონგი, მექსიკა, კოლუმბია, სალვადორი, დომინიკის რესპუბლიკა, ბრაზილია, კანადა, იამაიკა. ყველა სხვა დანარჩენი ქვეყნიდან შესაძლებელია მონაწილეობის მიღება უპრობლემოდ.
გრინ ქარდის ლატარეაში მონაწილეობის მისაღებად მონაწილეს უნდა ჰქონდეს დამთავრებული საშუალო სკოლა ან წარადგინოს მუშაობის 2-წლიანი სტაჟის დამადასტურებელი დოკუმენტი. სამუშაო სტაჟი უნდა გქონდეთ ჩამოთვლილი პროფესიებიდან ერთ-ერთში მაინც.
პროფესიების ჩამონათვალი იხილეთ აქ.
გრინ ქარდის ლატარეაში მონაწილეობა არ შეგიშლით ხელს მოგვიანებით აშშ-ს ვიზის მიღებაში. ძალიან ბევრი შემთხვევა დაფიქსირებულა, როდესაც ადამიანი წლების განმავლობაში იღებდა მონაწილეობას გათამაშებაში, თუმცა წარუმატებლად. რამდენიმე წელიწადში კი შევიდა აშშ-ს საელჩოში და ჩვეულებრივად უპრობლემოდ აიღო ვიზა.
მოგების შემთხვევაში შეგიძლიათ თან წაიყვანოთ კანონიერ ქორწინებაში მყოფი მეუღლე და 21 წლამდე შვილ(ებ)ი. გათამაშებაში რეგისტრაციისას თქვენ ანკეტასთან ერთად უნდა მიუთითოთ ინფორმაცია თქვენს მეუღლესა და შვილებზე, გამარჯვების შემთხვევაში კი ისინიც თქვენთან ერთად მიიღებენ გრინ ქარდს.
გამარჯვების შემდეგ თქვენს პერსონალურ ინფორმაციას და შევსებულ ანკეტას დაამუშავებს კენტუკის საკონსულო ცენტრი და თქვენ მოგანიჭებთ უნიკალურ ნომერს. ამ ნომრის მიხედვით კი რიგითობით მონიჭებულ თარიღში უნდა გამოცხადდეთ თბილისში, ამერიკის შეერთებული შტატების საელჩოში გასაუბრებაზე. გათამაშების ოფიციალურ ვებ-გვერდზე უნდა შეავსოთ სპეციალური DS-260 ფორმა და ამობეჭდოთ დასტურის გვერდი. დასტურის გვერდის გარეშე გასაუბრებაზე არ დაიშვებით.
გრინ ქარდის მოგების შემთხვევაშიც კი ვერ მიიღებთ ვიზას, თუკი ხართ ნასამართლევი, გაწუხებთ მძიმე გადამდები დაავადება და თუ გაქვთ აშშ-ში არალეგალად ცხოვრების ისტორია. ასევე ვიზის ვერ მიღების მიზეზი და გათამაშებიდან მოხსნის მიზეზი შეიძლება გახდეს არასწორად შევსებული პერსონალური მონაცემები, არასწორად გადაღებული ფოტო, დაკარგული დასტურის კოდი ან სხვა. სტატისტიკურად, ყოველი მესამე ადამიანი უშვებს შეცდომას გათამაშებაში მონაწილეობის ანკეტის შევსებისას. აბსოლუტურად ყველა პრობლემას თავიდან აგაცილებთ ჩვენი სერვისი. ჩვენ გთავაზობთ პერსონალური მონაცემების სამმაგ გადამოწმებას, ფოტოს პროფესიონალურ დამუშავებას გათამაშების სტანდარტების მიხედვით, დასტურის კოდის დაცულ სერვერზე შენახვას, უფასო კონსულტაციას და გათამაშებაში გარანტირებულად მონაწილეობას.
